Töfranótt

Föstudagurinn 13 og held ég sé pottþétt ekki andsetin meira svona and-étin og hef þar af leiðandi hvorki neitt gáfulegt né heimskulegt til að setja á prent!

Komin tími til að skipta út lagi og set “Töfranótt” í spilarann .
Lagið gaf ég mömmu minni í afmælisgjöf 2006, en þá með öðrum texta…“Snjóþungur vetur og nóttin dimm, lok janúar og mamma orðin sjötíu og fimm” hljómaði þá einhverstaðar í laginu. 
Breytti síðar textanum og nafninu.. nokkrum sinnum.  Ljósbjört nótt sem varð að Töfranótt af því mér datt ekkert skárra í hug.  Jón Geir vinur minn kallar þetta lag þó aldrei annað en “Fjallageitin” og telur hreinlega ekki í (slær kjuðunum saman), fyrr en ég hef snúið mér við og hvíslað hátt “Fjallageitin” eftir að hafa kynnt  lagið fyrir áheyrendum sem Töfranótt.  Lagið er einhvers konar hálf-reggí, ansi bara “hresst” og ákaflega lagræn tónsmíð .  Textinn á sér enga stoð  í raunveruleikanum en er doldið svona “Hin hugsunarsnauða blinda ást”.  Lagið er auðvitað mjög “sommer-lí-fíl” enda veitir kannski ekki af smá svoleiðis núna, þegar ég held að flestir séu farnir að bíða eftir vorinu… Allavegana hún ég.

Knús og kærleikur á föstudegi , Áslaug

ps.(þessi tákn eru alltaf jafn skemmtileg)

Athugasemdir

[Guðmundur Júlíusson, 14.3.2009 kl. 23:42]

verð að segja að þú ert "hell of a singer" fíla þig í botn ! kv Gummi Júl

[Áslaug Helga Hálfdánardóttir, 15.3.2009 kl. 11:54]

Þakka þér, Gummi Júl, frábært að fá svona komment ...

[HGRET (IP-tala skráð) 16.3.2009 kl. 16:27]

Fínasta músík og söngurinn ekki verri.

Annars er nú komið vor hérna í Hollandinu, á ekki að fara að skella sér ?

[Áslaug Helga Hálfdánardóttir, 17.3.2009 kl. 08:13]

hvað maður væri nú til í að kíkja á ykkur í Hollandinu Hjalti minn, væri sko til í "vor".. en veit ekki hvort þú veist af því, en hér er í gangi einhvers konar "kreppa", svo maður fer víst ekki fet af þessu blessaða skeri... nema þú sækir okkur bara á flugvélinni .  Kveðja úr snjónum!