Reið

Ég er hoppandi pirruð og eiginlega ösku(r) ill.  Ætti samt að vera afskaplega þakklát og kát.  Fór aftur á heilsugæsluna og hitti nýjan doksa.  Þessi vildi vera vinur minn, hann gaf mér penisilín!  Mín er með lungnabólgu.  Málið er að ég vissi alveg á mánudaginn að ég þyrfti að fá penisilín og líklegast væri þetta komið í lungun.  Alla helv… vikuna er ég búin að liggja eins og skata, hóstandi eins og köttur sem hefur étið gras, ekki getað sinnt börnum og búi.  Af því að doktorinn á mánudag ákvað á innan við fimm mínútum að þetta væri bara flensa!   Ég gæti verið orðin hress núna, en nei núna tek ég helgina í það, já spennandi.  Ég er ekki týpan sem er mætt að hitta doksann ef ég er með hor eða illt í litlu tá.  Ég mæti eingöngu þegar ég virkilega tel að hann geti mögulegast gert eitthvað fyrir mig.  Af fenginni reynslu þá nefnilega veit ég að þessar elskur hafa svo sannarlega sína takmörkuðu vitneskju.  Ég þekki líka rökin fyrir því afhverju penisilín fæst ekki í matvöruverslunum og sögurnar um fjölónæmubakteríurnar og allt það.  En stundum veit maður bara og þá er ekki hlustað á mann og ÞÁ verður kellingin óendanlega pirruð, sér í lagi þegar hún hafði rétt fyrir sér í upphafi.

Jæja þetta var reiðipistill ársins.  Ákvað einhverntíman að blogga aldrei á meðan mér er heitt í hamsi, því þá gæti maður sagt eitthvað sem betur væri ósagt. Held að mér líði samt strax betur.  Takk fyrir að hlusta. 

Kveðja Áslaug pirraða

Athugasemdir

[Hallveig (IP-tala skráð) 30.1.2009 kl. 21:09]

Elsku dúllan mín, maður Á EKKI að fara til heimilislækna þegar maður er svona söngmús eins og við.. alltaf að fara til hálsnefogeyrna spesjalista mín kæra ;) mundu það héðan í frá!

batnimannakveðjur úr Ásgarðinum,

H

[Áslaug Helga Hálfdánardóttir, 31.1.2009 kl. 10:03]

Veistu Hallveig mín að þetta er sko hárrétt hjá þér, veit eiginlega ekki hvað ég var að spá!  Mun vonandi ekki gera sömu mistökin tvisvar.  Annars frábært framtak þessi söngvaramótmæli hjá ykkur, hefði sko mætt ef ég hefði ekki legið í þessum leiðindum síðan þau hófust.  Baráttukveðjur og knús

[Fjóla Æ., 1.2.2009 kl. 20:26]

Ég skil þig! Vona að þér sé að fara að batna.

[Áslaug Helga Hálfdánardóttir, 2.2.2009 kl. 09:28]

Er enn heima Fjóla mín, þetta fer að verða sagan endalausa.  Þvílíka vibba flensa og co!  Sendi þér risa stórt knús elskan.

[Bryndís (IP-tala skráð) 2.2.2009 kl. 12:49]

Þetta er nú meiri gleðin eða þannig, vonandi ferðu nú að hressast.  Ég er að skríða saman og fer að vinna á morgun en Kolbeinn er með lungnabólgu og eyrnabólgu, þetta ætlar engan endi að taka

[Áslaug Helga Hálfdánardóttir, 2.2.2009 kl. 18:26]

Já Bryndís mín þvílíkt stuð eins og þú ert búin að prófa.  Verst með litla kútinn þinn, vonandi verður hann snöggur að klára þetta.  Knús og kveðja