..og þá var kátt í höllinni!

Jibbí skribbí og fjölskyldan kættist ógurlega!  Gleraugun hans Hálfdáns Helga dúkkuðu upp á Lyngbystation, ferðasöguna verða gleraugun víst að eiga fyrir sig.   Ýmsum vöngum hefur verið velt yfir ferðalagi gleraugnanna, en alls óvíst hvaða saga mun vera rétta sagan.  Eitt er þó víst að enn eru til skilvísir Danir og fyrir það þakkar móðurhjartað, sem nærri felldi tár fyrir hönd sonarins.  En nú þarf engin tár og sárin í garð fáráðsins gróin um heilt!

Höfum það afskaplega gott í höllinni og borðað ógrynni af mat, góðum mat og mikið af yndislegum ítölskum mat.  Dýragarður, bakkinn og Bon Bon land hafa verið skönnuð ásamt lestum og hraðbrautum.  Eins og í fyrra þá flúði íkorninn Rauðtoppur ágang Íslendinganna, en ég sá honum bregða fyrir um daginn, þar sem hann kíkkaði eftir því hvort óhætt væri að snúa heim í Önnu garð.  Svo var þó ekki og ég held að hann hafi skotist burtu bölvandi!

Kveðja og eitt stórt knús, Áslaug

Athugasemdir

[Sigurbjörg Guðleif, 22.6.2008 kl. 12:29]

Æ þetta eru nú frábærar fréttir.

Knús á ykkur öll

[Þóra Marteins (IP-tala skráð) 23.6.2008 kl. 01:58]

gott að heyra að þau skiluðu sér :D

[Áslaug Helga Hálfdánardóttir, 26.6.2008 kl. 08:22]

Já, þetta var mikil lukka og líklegast hefur þeim verið hent einhversstaðar í nágrenni stöðvarinnar!