Leyndarmálið

Hálfdán Helgi :  Mamma, hann Atli (besti vinurinn) sagði mér leyndarmál og ég má ekki segja NEINUM!!

Mamman datt niður á planið að verða 5 ára líka, alveg að springa úr forvitni, hvaða mögulega svakalega leyndarmál tveir næstum 5 ára guttar gætu átt saman.

Þannig að mamman varð 5 ára og.. : Hvaða leyndarmál er það?

Hálfdán Helgi: ég má ekki segja það, það er leyndarmál!

Mamman: Um hvern er leyndarmálið?  – (og samstundis fékk mamman móral yfir að nýta sér hinn raunverulega aldursmun og veiða upplýsingar upp úr syninum, í stað þess að láta þetta eiga sig og leyfa vinunum tveimur að eiga leyndarmál í friði.)

Hálfdán Helgi (sem sökum aldurs fellur beint í gildruna):  Það er um mömmu hans Atla!

“Nú” segir mamman og sama forvitni og drap köttinn var u.þ.b. að drepa mömmuna.

Mamman:  Já, er hún með barn í maganum (týpískt, fyrsta sem konum dettur í hug)

Hálfdán Helgi: Nei!... Hún kann að GALDRA

Mamman: Já er það! (og með enn meiri móral yfir að kenna ekki syninum að segja ekki frá leyndarmálum, heldur veiða þau upp úr honum.)

 Mamman ákvað þarna að láta kyrrt liggja og leyfa vinunum tveimur að eiga saman í friði leyndarmálið um rammgöldróttu mömmu hans Atla,  enda ekkert of sannfærð um þessa galdrahæfileika.

Þrátt fyrir góðan ásetning og í huganum ósk um betrumbót að kenna börnunum að þegja yfir leyndarmálum , þá situr hún ekki á sér kerlingin og dreyfir sögunni á netið.  Ef hann Hálfdán minn bara vissi hversu svikul þessi mamma hans er, hún kann sko greinilega ekki að þegja yfir góðum leyndarmálum.  Fyrr á öldum hefði svo þessi sögusögn orðið valdur að því að mamma hans Atla hefði verið brend á báli!

…. Ekki það að heima hjá vinum hans Hálfdáns Helga ganga örugglega sögur um "skrítnu" mömmu hans Hálfdáns í formi leyndarmála! ...Væri gaman að vita yfir hvaða ofurhæfileikum ég bý yfir!

Kveðja, mamman 

 

Athugasemdir

[Þráinn Árni Baldvinsson, 18.5.2008 kl. 00:54]

Þú ert ágæt... :)

[Þóra Marteins (IP-tala skráð) 18.5.2008 kl. 10:52]

tíhíhíhí :)

[Sigurbjörg Guðleif, 20.5.2008 kl. 20:47]

Kvitt kvitt. Þau eru yndi þessi börn

[Fjóla Æ., 21.5.2008 kl. 21:16]

Þú ert svolítið svakaleg Áslaug.

[Þráinn Árni Baldvinsson, 21.5.2008 kl. 22:50]

Hvar er lagið drós?

[kristín einarsdóttir (IP-tala skráð) 22.5.2008 kl. 14:38]

Fólk sem kann EKKI að þegja yfir leyndarmálum er undantekningarlaust mjög skemmtilegt fólk (leyndarmál eru til að hvísla um þau og hafa gaman af) og fólkið sem kann að veiða leyndarmál upp úr öðru fólki er bráðskemmtilegt og stundum líka kallað snillingar hreinlega - mér finnst þú sýna frábæra takta - stolt af þér. Stína