.....

Tengdasonurinn

Í gær fékk ég tilkynningu um að Hjördís Anna mín væri búin að eignast kærasta.  Mamman varð hálf hvumsa yfir þessari vitneskju að bráðum 5 ára dóttirin væri komin með kærasta.   Fékk þær upplýsingar að nýji tengdasonur minn sé líka að verða 5 ára, heitir Villi og er í leikskólanum.  Mamman reyndi nú að segja dótturinni að hann væri nú kannski ekki kærasti hennar, bara svona vinur.  Mín hélt nú ekki, þau voru kærustupar, þau nefnilega dansa saman og lita!

Misskilningur

Matti var eitthvað að stússast í bókhaldi fyrir pabba sinn.  Guðrún Thelma, spyr mig afhverju pabbi þurfi að vinna?  Ég svara “til að skatturinn taki ekki afa”.  Eitthvað misheyrist ungfrúnni og svarar skelfingulostin “ætlar skrattinn að taka hann afa?”

Þess má geta að hún er 8 ára og á sko engan kærasta, strákar eru nefnilega ógeðslegir!  Ætli mamman verði ekki bara kát þegar Hjördís Anna fer á það stig.

Svo er það spurningin um breytta tíma, ekki man ég eftir því að nota orðið kærasti, kærasta og kærustupar í leikskóla!

Athugasemdir

[Fjóla Æ., 19.3.2008 kl. 19:09]

Dóttir mín átti líka kærasta á þessum aldri, núna er hún 11 ára og á engan kærasta en hefur samt svolítinn áhuga á strákum, farin að roðna og svoleiðis.

[Áslaug Helga Hálfdánardóttir, 20.3.2008 kl. 09:46]

Ég sé að þetta verður ekki bara dans á rósum.  Ætla loka mína inni þangað til hún verður 25 ára

[Ingvar Valgeirsson, 20.3.2008 kl. 17:10]

Skatturinn, skrattinn... hver er munurinn?

[Áslaug Helga Hálfdánardóttir, 22.3.2008 kl. 13:11]

Nákvæmlega, kannski mjög eðlilegur misskilningur!

[Júdas, 23.3.2008 kl. 20:49]

, flottir þessir kútar og kútur...........

[Áslaug Helga Hálfdánardóttir, 24.3.2008 kl. 11:57]

Besta lið í heimi!